 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Ваявалі ў полі жнеі-маладзіцы,
Вострымі сярпамі жыта ваявалі.
«Залатая зорка-зараніца,
Не заходзь так рана...» – прыпявалі.
«Залатая зорка-зараніца,
Не стухай за гаем зеляненькім.
Будзіць сьвёкар, будзіць залувіца
Рана ў поле мяне, маладзеньку...
Будзіць сьвёкар і сьвякруха-маці,
Будзіць залувіца, –
За гару ў студзёную крыніцу
На дасьвецьці чысту ваду браці.
На цямочку ўстану у нядзелю,
Уцяку да роднай маці ў госьці.
Лепш бы дзеўкай дома я сядзела,
Чым свае ня бачыць маладосьці...»
Ваявалі ў полі жнеі-маладзіцы,
Вострымі сярпамі жыта ваявалі,
Прыпявалі: «Зорка-зараніца,
Узыдзі над родным нашым краем...»
Ой, даўно за лесам – ціхім борам –
Адзьвінела песьня ў жытніх хвалях.
Зваявалі жнеі і сваё ліха-гора,
Вострымі сярпамі зваявалі.
1928
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
